Donemiliagako Egilatz kontzejuan, 60 urteko emakume bat hil da behin batzuen kolpeen ondorioz. Erika Letamendi tokiko alkateak azaldu duenez, auzolan baten testuinguruan jazo da ezbeharra, eta azpimarratu du ez direla ohikoak mota honetako gertaerak.

Bilboko Sader-Profersa ongarriak ekoizten dituen enpresak lurrun-ihesa izan du gaur goizean, fabrikazio-prozesuan izandako erreakzio baten ondorioz. Ez da inor zauritu, ezta kalte materialik izan ere, konpainiak jakitera eman duenez.

1937ko apirilaren 26an bezala, sirenak eta kanpaiak 15: 45ean puntuan entzun dira. Lau minutuz sirenak jo du herri osoan.

Sua 12:00ak baino lehentxeago piztu da, oraindik argitzeke dauden arrazoiengatik. Ez da inor zauritu, baina GI-2634 errepidea itxi behar izan dute.

Jone Laspiur eta Eneko Sagardoy dira protagonistak, "Elkarrekin esnateko ordua" Kirmen Uriberen eleberriaren egokitzapen honetan. Maiatz amaierara arte luzatuko dute errodajea, Euskal Herri osoan zehar.

AP-1 autobidea itxita egongo da ostiral gauean Bergara hegoaldeko lotunearen eta Maltzagako lotunearen artean, obretan erabili den "bypassa" kentzeko. Kontrako noranzkoko tunela berritzeko lanak irailean hasiko dituzte.

Norvegiako bandera duen "Fridtjof Nansen" itsasontzia 07:00ak aldera iritsi da Pasaiako portura, 427 bidaiarirekin. Turistek 10 ordu inguru izango dituzte Donostia eta inguruak ezagutzeko.

Pedro Miguel Echenique euskal zientzialaririk ospetsuenak eta nazioartekoenak beste aitortza bat jaso du gaur. Madrilgo Unibertsitate Autonomoak doctor Honoris Kausa izendatu du. Fisikariak urte luzeetan  egindako ikerlana eta bere ibilbide akademikoa aitortu dituzte.

Jean-Jules Flesher gazte estatubatuarra ezagutu dugu. Iaz Zaldibiako familia batean egin zuen 3 asteko egonaldia "Ateak Ireki" egitasmoaren baitan, eta, behin amaituta, Euskal Herrian geratzeko autua egin zuen. 8 hilabete daramatza euskara ikasten Maizpide (Lazkao) barnetegian, Lazkaon.

Iazko arrakastaren ondotik, bueltan da "Ateak Ireki" egitasmoa. Euskal jatorriko 35 gazte estatubatuarrek egonaldia egingo dute ekainaren 25etik uztailaren 16ra euskara ikasi eta euskal kulturan murgiltzeko. Goierriko familiak deitu dituzte egitasmoan parte hartu eta gazte horiei ateak irekitzera.

Teresa Ibañez Aspe aktoreak "mundu osoarentzat bakea" eskatu du, eta "imajina ezin daitezkeen izugarrikeria eta oinaze egoerei amaiera ematea".  "3.500 kilometrora gertatzen badira ere, ezin zaizkigu arrotzak egin", gaineratu du.

EHUko ikerketa baten arabera, temperatura igoeraren eraginez, gure kostaldeko makroalgak desagertzen ari dira. Ekosistemak sortzen dituzte makroalga horiek eta, ondorioz, desagertzeak kalte handia ekar lezake hainbat espezierentzat.

3.200 ekitaldi inguru, 19 milioi bisitari eta 1.806 milioi euroko eragin ekonomikoa. Datu horiekin iritsi da Bilbao Exhibition Centre (BEC) bere 20. urteurrenera.

Polizia Nazionalak "Trinitarios" izeneko erakunde kriminala desegin du Nafarroan, eta 25 kide atxilotu ditu, tartean taldeak Iruñean duen burua.