Publizitatea
Itxi

2010/12/12

09:55

Albisteak

Eguraldiaren iragarpena

Ostarteak eta tenperaturak behera, datozen egunetan Euskadin

Erredakzioa

Termometroak beheranzko joera hartuko du bihartik aurrera. Hala ere, giro egonkorra espero dugu. Joeraren arabera, asteazkenerako euria egin lezake.

  • Whatsapp
  • Whatsapp
  • Telegram
  • Bidali
Euskalmet Euskal Meteorologia Agentziaren arabera, giro egonkorra eta eguzkitsua izango dugu berriro igande honetan. Hala ere, egunak aurrera egin ahala erdi-mailako hodeiak eta goi-hodeiak ugaritu egingo dira. Tenperaturak berdin jarraituko du, agian zertxobait beherago, epelenak barnealdean 10 ºC-koak izango dira eta 12-14 ºC-koak kostaldean.

Astelehenean hoztuko du. Erdi-mailako hodeiak eta goi-hodei gailenduko dira zeruan, baina nahiko saretuta iritsiko dira eta giro argia eta eguzkitsua izango dugu. Tenperaturek behera egingo dute: kostaldean 10-11 ºC-ren bueltan errendituko da termometroa eta 7-8 ºC-tik hurbil barnealdean.

Asteartea eguzkitsu dator baina tenperaturak beherako bideari eutsiko dio. Ipar-ekialdeko haize hotza ibiliko da eta tenperatura minimoak jaitsi egingo dira: barnealdeko zenbait puntutan, zeropeko tenperaturak neurtuko dira eta kostaldean hotzenak 3-5 ºC artekoak izango dira. Eguzkiak indar gutxi izango du eta ez du giroa goxatzerik lortuko, epelenak 5 eta 10 ºC bitartekoak izango dira. Asteazkenerako euria bota lezake.

Jarrai ezazu eguraldiaren inguruko xehetasun guztiak eitb.com-en eta begiratu paisaien argazkirik ederrenak Eguraldiblogen.

  • Hau zure interesekoa bada, baliteke beste gai hauek ere izatea:
  • Bisitatuena

      Kargatzen ikusiena
      Kargatzen ikusiena
    ;