Gizartea -
Euriteen eraginez
Galiziak hiru egunetan Espainiaren urteko euri kopuruaren erdia du
Euriteek gaur ere izango dira, eta bihar eguerdira arte iraungo dute. Galiziako Autonomia Erkidegoan izandako ezbehar kopurua 600era igo da, egindako euriaren ondorioz.
Erredakzioa
Galiziak azken hiru egunetan bizi izan dituen euriteek 300 litro ur metro karratuko eragin dituzte, hau da, Espainian bataz beste urtean egiten duen euri kopuruaren erdia.
Agustin Hernandez Ingurumen, Lurralde eta Azpiegituren kontseilariak adierazi duenez, Galiziako Autonomia Erkidegoan izandako gertaerak 600 baino gehiago izan dira, eguraldiaren ondorioz.
Hernandezek azpimarratu duenez, bihar eguerdira arte iraungo duten euriek Galiziako Autonomia Erkidegoan "arazo asko" eragin dituzte, besteak beste, uholdeak errepideetan, eta "ondo konpondu" dituztela nabarmendu du.
Vicente Perez Meteogaliciako zuzendariak esan duenez, euriteek gehienbat Pontevedran izan dute eragina, Lourizanen hamar minututan 16 litro ur erori ziren, Areeiron, berriz, 40 litro baino gehiago ordubeten.