Politika
Larunbatean atxilotu zuten
Ibai Beobide ostegun honetan galdekatuko du Moreno epaileak
Erredakzioa
ETAko ustezko kidea Gipuzkoan laguntzaileen sare bat osatzeko mandatuarekin Frantziatik Espainiara etorri zen, ikerketako iturrien arabera.
Ibai Beobide ETAko ustezko kidea bihar galdekatuko du Ismael Moreno Auzitegi Nazionaleko epaileak, iturri juridikoek jakitera eman dutenez. Beobide larunbatean atxilotu zuen Guardia Zibilak bizikleta batean zihoanean Asteasu eta Villabona artean.
Ikerketako iturrien arabera, Beobide Gipuzkoan laguntzaileen sare bat osatzeko mandatuarekin Frantziatik Espainiara etorri zen. Galdeketan Vicente Gonzalez-Mota Auzitegi Nazionaleko fiskala izango da.
ETAko ustezko kidea orain dela gutxi Frantziatik etorri zen, eta denbora gutxi zeraman lan hori egiten, nahiz eta Guardia Zibilak astelehenean lau lagun atxilotu Hernanin eta Seguran (Gipuzkoa), Beobideri laguntzea egotzita. Atxilotuak epailearen esku geratuko dira datozen egunetan.
Erasoak
2008ko amaieran Frantziara ihes egin zuen Beobidek, urtebete ''Basakatu'' taldeko kide gisa lau ekintzatan parte hartu ostean.
Konkretuki, 2008ko apirilaren 17an Abusuko (Bilbo) PSEren egoitzari eraso egitea leporatzen diote; urte berean ustez Zamudioko (Bizkaia) EITBren egoitzan lehergailu bat jarri zuen ekainaren 8an; uztailaren 20an Laredon eta Nojan (Kantabria) zenbait lehergailu jarri zituztenean Beobidek ustez parte hartu zuen ere; era berean, EITBren Bilboko egoitzaren kontra 100 kilo lehergairekin kargatutako furgoneta batekin egindako erasoan parte hartzea leporatzen diote Beobideri.
