EITB TALDEA
EiTB Taldea
Koronabirusaren prebentziorako neurriei buruzko sentsibilizazio-kanpaina, EiTBn
EiTB
Osasun-agintariek COVID-19aren hedapena geldiarazteko gomendatutako prebentzio-neurrien aplikazioan, herritarren kooperazioaren garrantzia azaltzen du.
![EiTBren informazio-kanpaina EiTBren informazio-kanpaina](http://media.eitb.eus/multimedia/images/2020/03/12/2577034/20200312164943_koronabirus-euskaraz_foto610x342.jpg)
![](http://images14.eitb.eus/multimedia/recursos/generales/play_gris_grupohome.png)
EiTBk sentsibilizazio-kanpaina bat jarri du abian, osasun-agintariek gomendatutakoari jarraituz, COVID-19a ez zabaltzeko hartu beharreko prebentzio-neurriei buruz. Kanpainak prebentzio-neurri horiek aplikatzeko herritarren lankidetzaren garrantzia azpimarratzen du.
Iradokitako prebentzio-neurriak honakoak dira: jende pilaketa handiak saihestea, pertsonen artean zentzuzko segurtasun-tartea mantentzea, eskuak maiz garbitzea ura eta xaboia erabiliz, aurpegia eskuekin ez ukitzea, kontaktu fisikoa saihestea, eta eztul edo doministiku egitean besaurrearekin edo botatzeko zapi batekin ahoa estaltzea.
Sentsibilizazio-kanpaina EiTB taldeak egingo du hedabide guztietan: telebista eta irrati kanaletan, eta Interneten.