13:08

Bilboko Aste Nagusia

Aste Nagusia 2013

'Txupinerarekin ekitaldi alternatibo bat egitea ez litzateke delitu'

Erredakzioa

EAEko Justizia Auzitegi Nagusiko Administrazioarekiko Auzietako Salako presidenteak ez luke delitu zantzurik ikusiko, "baldin eta ETAren aldeko ekitaldi bihurtuko ez balitz".

  • Jone Artola, Bilboko Aste Nagusia 2013ko txupinera. Argazkia: EiTB

    Jone Artola, Bilboko Aste Nagusia 2013ko txupinera. Argazkia: EiTB

  • Whatsapp
  • Whatsapp
  • telegram
  • Bidali

Jone Artola Bilboko Aste Nagusia 2013-ko txupinerarekin ekitaldi alternatibo bat egitea "ez litzateke delitu", nahiz eta isuna jaso dezaketen, Luis Garrido EAEko Justizia Auzitegi Nagusiko Administrazioarekiko Auzietako Salako presidenteak adierazi duenez.

El Correo egunkariari eskainitako elkarrizketan, Laudioko jaietako pregoilariaren eta Bilboko Aste Nagusiko txupineraren gainean hartutako erabaki judizialak babestu ditu, baina Jone Artola txupinerarekin Biktimen Legearen irakurketa zorrotzagoa egin dela onartu du.

2013ko txupinerarekin ekitaldi paralelo bat egitea "ez litzateke delitu izango, harik eta ETAren aldeko ekitaldi bihurtzen ez bada. Kasu horretan, terrorismoari gorazarre egingo litzaioke".

Duela urte batzuk baino gutxiago bada ere, Euskal Herriko jaiak politizatuta daudela uste du Garridok. "Ezker abertzalea soka tenkatzen ari da erakundeak noraino heltzeko prest dauden ikusteko", gaineratu du. Hala ere, une honetan alderdi politiko bat legez kanpo uzteko "hori baino gehiago beharko litzateke".

Iruzkinak

  • Publizitatea
    Publizitatea
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena