16:48

Herriak eta Hiriak

Iruñea

Udalak Askatasun plaza eta Taconera girotu, eta Media Lunako eskaintza handituko du

eitb.eus

Jolas eta jarduera guztiak doakoak izango dira, eta 0 eta 12 urte bitarteko haurrei zuzenduta egongo dira; Kirol Ari, aldiz, 8 eta 14 urte bitartekoei.

  • Iruñeko Udala. Argazkia: Vicente Guinea González de Artaza

    Iruñeko Udala. Argazkia: Vicente Guinea González de Artaza

  • Whatsapp
  • Whatsapp
  • telegram
  • Bidali

Sanferminetan Iruñeko Udalak Askatasun plazako eta Taconerako aisiarako guneak atonduko ditu, eta Media Luna parkeko kirol anitzeko eremua handituko du. Iruñeko Udaleko Tokiko Gobernu Batzarrak haurrentzako guneak kontratatzea onartu du; 300.000 parte-hartzaile baino gehiago biltzen dira urtero bertan.

Aurtengo berritasun nagusia Kirol Ari kirol anitzeko gunea handitzea izango da. Lehen edizioaren arrakastaren ondoren, Udalak programazioa errepikatu eta zabaldu du. Iaz 11 izan baziren ere, aurten 18 kirol federaziok hartuko dute parte bertan, eta xakea, atletismoa, badmintona, eskubaloia, kirol egokituak, esgrima, futbola, gimnastika, golfa, hipika, padela, euskal pilota, piraguismoa, arraunketa, taekwondoa, arku-tiroa eta herri kirolak egiteko aukera eskainiko dute.

Jarduera guztiak doan izango dira, eta kolaboratzaileak diren kirol federazioetako begiraleek ikuskatuko dituzte. Kirol Ari 8 eta 14 urte bitartekoei zuzendutako topagunea ere bada, eta ume eta gazteek elkarrekin harremanetan jarri, elkar ezagutu eta taldeak sortu ahalko dituzte.

Taconera – Vistabellan Birjolastu: gune berriak

Hirugarren urtez, Iruñeko Udalak, Nafarroako Ingurumen Kudeaketa sozietate publikoaren bitartez, bat egin du Taconera – Vistabella aldean haurrendako gunea sortzeko. Filosofia berbera erabiliz, proiektuak berrerabiltzearen garrantzia azpimarratzen du, ingurumen jasangarria bultzatze aldera.

Aurten, Birjolastu 11 gunez osatuta egongo da, eta, iazkoarekin alderatuz gero, aldaketak izango dira, haurrak berriro erakarri nahian. Uztailaren 7tik 14ra goizez eta arratsaldez egongo da irekita, 11:30etik 14:00etara eta 17:30etik 20:30era. Berreskuratutako ateak jarriko dituzte barruti bakoitzaren sarreran, eta erabiltzaileek gune horretan aurkituko dutena eta garapen jasangarriarekin lotutako gaiak ikusi ahalko dituzte ate horien orrietan. Gainera, gune guztiak apaintzeko material birziklatua erabiliko dute.

Aurten bi berritasun egongo dira: Birzikleta, bizikletekin sortutako jolasak eta asmakariak, trebezia eta oreka probatzeko; eta Ipuin-agertokia, egunero ipuin-programazio sendoa edukiko duena Liburu-balearekin.

Hauek festak, hauek! Askatasun plazan

Iaz 130.000 lagunetik gora igaro ziren Askatasun plazatik, Hauek festak, hauek! bizitzeko. Sanferminetarako eremuan jarraituko du, 17 urtetik beherakoentzat jolasa eta aisia bultzatzeko gunea. Parkeak hiru jolasgune izango ditu, eta gai ezberdinekin lotutako ekimenak eskainiko ditu adin ezberdinetako erabiltzaileentzat. Jarduera guztiak doan izango dira.

Adin guztietarako bederatzi jolasgune egongo dira, eta edoskitze-gunea zein atsedenerakoa. Halaber, beste jarduera batzuk programatu dira: entzierroak, egunean bitan, Karlos III.aren etorbidearen amaierako tartean; eta tren turistikoa, Karlos III.aren etorbideko oinezkoen gunean ere izango dena.

Iruzkinak

    Bisitatuena

      Kargatzen ikusiena
      Kargatzen ikusiena