Faktoria
Lehortea
Josu Perea (URA agentzia): "Urtegietako maila ona da, eta ez dugu arazorik aurreikusten udan"
Jone LArrañaga | EITb Media
Urtegi sistematik kanpo dauden eskualdeetan, dena dela, egoerak okerrera egin dezakeela ohartarazi du agentzia publikoaren Obari Publikoko Kudeaketarako Zuzendariak. Gehitu duenez, euririk egiten ez badu, Busturialdean ez ezik, litekeena da murrizketak hartzea Lea-Artibain eta Baia eskualdean ere.
-
Ulibarri-Ganboako urtegia
5:49 min
Beroaldiaren okerrena pasa dugun honetan, lehortea da kezka-iturri Euskal Herriko hainbat eremutan. Bizkaian, Busturialdeko 16 udalerritan, tartean, Gernika-Lumon eta Bermeon, uraren kontsumoa mugatzeko eskatu du ur-partzuergoak, besteak beste, kaleak garbitzeko edota lorategi eta baratzak ureztatzeko, eta, horri erantzunez, Bermeoko Udalak, adibidez, zenbait neurri hartu ditu dagoeneko. Josu Perea Ura agentziako Obra Publikoko Kudeaketarako zuzendariak "Faktoria"n jakinarazi duenez, Busturialdea alertan dago, Lea-Artibaiko sistema, "tentsionatuta", eta litekeena da Baia eskualdeko goialdean ere arazoak izatea.
Udak lehorretik jarraitzen badu, gainera, aurreratu du litekeena dela neurri murriztaileak hartu behar izatea. Nolanahi ere, horniketa arazoak urtegi sistemara lotuta ez dauden herri eta eskualdetara mugatu ditu, erkidegoko populazioaren % 10era. Adierazi duenez, gainontzeko % 90ek ur horniketa ongi bermatuta dute, eta ez du aurreikusten arazorik izango denik datozen hilabeteotan. "Urtegietako maila ona da. Are eta gehiago, zehaztu duenez, urtegirik handienean, aurten, iaz urte sasoi honetan baino ur gehiago dago.
