SATSE: "Ospitale batzuetako zainketa berezietan akastun maskarak erabili dituzte"

EUSKADI IRRATIA

Publikatuta: 2020/04/19 09:41 (UTC+2) Azken eguneratzea: 2021/02/11 13:20 (UTC+1)

Amaia Mayor SATSE erizainen sindikatuko bozeramaileak kezka adierazi du maskara akastun gehienak Arabako eta Bizkaiko ospitale batzuetako Zainketa Berezietako profesionalek erabili dituztelako

Amaia Mayor

4:04 min

Whatsapp
Whatsapp
telegram
twitt
Bidali
Esteka kopiatu

Albisteak (1)

Maskara akastunak erabili dituzten osasun langileak identifikatuko ditu Osakidetzak

Audioak (1)

SATSE: ''Ospitaleko zainketa berezietan akastun maskarak erabili dituzte''

Amaia Mayor SATSE erizainen sindikatuko bozeramaileak Euskadi Irratiko GOIZ KRONIKAN ziurtatu du, Arabako eta Bizkaiko ospitale batzuetako zainketa berezien unitateetako profesionalek erabili dituztela seguruak ez ziren maskarak. Ondorioz, "oso kezkatuta" daudela onartu du, kutsatze arriskua "oso handia" delako unitate horietan. Horren aurrean, berriro eskatu du langile guztiei babes material egokiak emateko.

Orotara, Espainiako Gobernuak Txinan erositako 124.000 maskara akastun jaso zituen Osakidetzak, eta Eusko Jaurlaritzak onartu du 13.000 bat banatu zirela osasun langileen artean. Orain, nork erabili zituzten eta non erabili ziren identifikatzen hasiko dira.

Gainerakoan, "pozik" agertu da Mayor, Osakidetzak profesional guztiei testak egingo dizkiela iragarri duelako. Probak, berez, krisia hasi zenetik egin behar zirela dio, baina birusaren hedapena gelditzeko eta osasun profesionalen zein pazienteen osasuna bermatzeko erabaki oso garrantzitsua dela dio Mayorrek.