Araski-IDK Gipuzkoa eta Altuna III-Martija / Bengoetxea VI-Imaz partidak, gaur, EiTBn

Zuzeneko bi kirol emanaldi izango ditugu gaur ETB1en eta eitb.eus-en. 12:00etan, Dia Ligako Araski-IDK Gipuzkoa saskibaloi norgehiagoka, eta 17:00etan, pilota Donostiako Atano III pilotalekutik. Binakako Txapelketako Altuna III-Martija / Bengoetxea VI-Imaz partidarekin batera, beste bi neurketa ere izango ditugu ikusgai: Mendizabal III-Tolosa / Etxeberria-Untoria eta Dario-Etxebarria / Elordi-Ruiz.

Horrez gain, 16:00etako herri kirolen tartean 600-500 kiloko sokatira finalak izango ditugu ikusgai, eta 12:00etan, ETB4 eta eitb.eus-en, Lezamako pilota torneoko finalak.