telebista
Kirolak
Titin III.a protagonista, asteburuko pilota tarteetan
EiTB
Horrez gain, saskibaloiko Erreginaren Kopako euskal derbiak izango dira ikusgai.
![Augusto Ibañez, Augusto Ibañez,](http://media.eitb.eus/multimedia/images/2020/05/07/2601157/20200507083253_titin_foto610x342.jpg)
![](http://images14.eitb.eus/multimedia/recursos/generales/play_gris_grupohome.png)
Augusto Ibañez Titin III.a izango da protagonista asteburu honetako pilota saioetan. Horrez gain, herri kirolak, saskibaloia, txirrindularitza eta zesta punta izango ditugu.
"ETB Kantxa Solasean" saioan (17:00etan) errioxarraren beste hiru norgehiagoka aztertuko dituzte Xabier Euzkitzek, Abel Barriolak eta Mikel Idoatek: Titin III vs Barriola (2007ko Lau T'erdiko finala), Titin III-Lasa III vs Unanue-Errasti (2000ko Binakako finala) eta Titin III-Merino II vs Xala-Laskurain (2012ko Binakako finala).
Goizean (12:00etan) saskibaloia izango da protagonista. 2019an eta 2020an Erreginaren Kopan jokaturiko euskal derbiak eskainiko dira: Gernika Lointek vs IDK Gipuzkoa eta Gernika Lointek vs RPK Araski. Eta arratsaldeko herri kirolen tartean (16:00etan) emakumeek jokatutako hainbat proba berreskuratuko dira.
Emanaldi guztiak ETB1en eta eitb.eus-en jarraitu ahal izango ditugu.