telebista
Kirolak
Ondarroako Bandera eta Oiartzungo pilota jaialdia, gaur, zuzenean, ETBn
EiTB
Goizean Euskotren eta Eusko Label ligetako jardunaldia eskainiko da eta arratsaldean CaixaBank Masterseko Ezkurdia-Aranguren vs Altuna III-Imaz partida.
-
"ETB Kantxa" saioko pilota emanaldietako esatariak. Argazkia: EiTB
Zuzeneko bi emanaldi izango ditugu gaur ETB1en eta eitb.eus-en.
Batetik, estropadak. Ondarroako Bandera-Cikautxo Sari Nagusia izango dute jokoan Euskotren eta Eusko Label ligetako arraunlariek 11:30ean hasita. Mikel Olazabalek, Ibon Gaztañazpik eta Sara Gandarak egingo dute dute kontakizuna.
Bestetik, pilota. Oiartzunen jokatuko den CaixaBank Masterseko Ezkurdia-Aranguren vs Altuna III-Imaz partida izango dugu ikusgai "ETB Kantxa" saioan 17:00etatik aurrera. Jaialdia Arteaga II-Ibai Zabala vs Salaberria-Tolosa neurketarekin hasiko da, eta Xabier Euzkitzek, Abel Barriolak eta Elena Azpeitiak egingo dute kontakizuna.
Azkenik, 15:30ean, herri kirolen tartean, bezperan Donostian jokatutako Igeldoko Harria txapelketan gertatutakoa bilduko du Juanan Legorburuk.
