Prestaketa

Gaileta orea:

Ontzi batean osagai guztiak elkartu eta eskuekin ore bat egin. Bi paperen artean arrabolarekin luzatu eta tarta ontzia bete. Gainetik arbendol krema luzatu eta laberatu 180ºCtan 15-20 minutuz.

Ondoren, intxaur toffea gainetik luzatu eta hotzean gorde.

Arbendol krema:

Gurina bigundu eta azukrea gehitu. Nahasten joan eta arrautzak banan banan bota. Ondoren, azukre hautsa arbendola hautsa eta arto irina gehitu. Ore bat egin ondoren gozogintzako zorroan sartu.

Intxaurrak toffearekin:

Zartagin batera azukrea bota eta karameloa egiten jarri. Ondoren esne gain beroa gehitu eta irakiten hasten denean, intxaur txigortuak gehitu eta pixka bat loditzen utzi.

Kafe moussea:

Ontzi batean osagai guztiak elkartu eta hagaxkarekin harrotu.

Txokolate malutak:

Txokolatea urtu eta erretilu hotz batean luzatu. Gogortzean, espatula batekin malutak atera.

Bukaera:

Intxaur toffea tartan hoztu denean, kafe moussea gainetik jarri eta txokolate beltz malutak gainetik bota.