Prestaketa

Kruntxi oilasko hegalak

Irinari oregano lehorra, piperrautsak eta baratxuri hautsa nahastuko dizkiogu. Erdibitu eta alde bati soja saltsa, gatza eta kechupa gehituko diogu eta ura pixkanaka botatzen joango gara, pasta lodi bat lortu arte. Bertara oilasko hegal erdibituak bota, nahastu eta 3-4 orduz goxatzen utziko ditugu. Denbora igaro ondoren, pastatik atera, irin eta Kellogg's apurtuen nahasketatik pasa eta oliotan frijitu, gorritu arte. Paperean xukatu.

Saltsa gazi-gozoa

Eltze batean soja saltsa, laranja zukua, azukrea, ketchupa, ozpina eta saltsa ingelesa sartu eta sutan jarri. Arto irina ur hotzarekin nahastu, eltzera gehitu eta hagaxkarekin nahastu, loditu arte. Gatzean probatu eta geroko gorde.

Barazki tenpura

Ontzi batean tenpura sartu eta ur hotza gehitu. Hagaxkarekin nahastu, nahi dugun lodiera lortu arte eta gatza bota. Barazkiak garbitu ondoren, makilatxo luzetan zatitu, irinetik eta tenpuratik pasa eta olio berotan frijitu. Paperean xukatu eta gatza jarri.

Bukaera

Plater batean oilasko hegalak frijituta jarri. Gainetik saltsa gazi gozoa bota eta ondoan barazki tenpura utzi. Maionesarekin zerbitzatu.