Itxi

Bigarrenak

Bigarrenak

Bigarrenak

Bakailaoa eta barazkiak parrilan romesco saltsarekin
Bakailaoa eta barazkiak parrilan romesco saltsarekin
Osagaiak
  • (2 pertsonarentzat)
  • Bakailaoa eta barazkiak:
  • Bakailao solomo bat
  • 2 piper gorri
  • 2 piper berde
  • Alberjinia bat
  • 2 tipulin
  • Baratxuri ale bat
  • Oliba olioa
  • Jerez ozpina, txorrotada bat
  • Gatza
  • Romesco saltsa:
  • 4 adar tomate
  • Baratxuri buru bat
  • Fruitu lehorrak, eskukada bat
  • Ogi txigortua
  • Perrexil txikitua
  • Gatza
  • Oliba olioa
  • Ibarrako piparrak frijituta:
  • Ibarrako pipar sorta bat
  • Frijitzeko olioa
  • Gatza
  • Pipar, tipulin eta intxaur ozpin-olioa:
  • 3 pipar
  • Intxaurrak, eskukada bat
  • Tipulin adar batzuk
  • Olioa
  • Sagar ozpina
  • Gatza
Prestaketa

Bakailaoa eta barazkiak

Barazkiak garbitu eta parrilan jarriko ditugu erre daitezen. Erreta daudenean, zuritu eta xaflatan moztu. Baratxuriari mami guztia atera eta ontzi batean sartuko dugu. Bertara ozpina, gatza eta olioa gehituko ditugu, ondo nahastu eta barazkien gainetik bota. Bakailaoa parrilan egingo dugu, azala ondo errea utzita.

Romesco saltsa

Tomateak eta baratxuri burua parrilan erre eta ontzi batera sartuko dugu. Fruitu lehorrak eta ogia xigortuta gehitu, perrexila, gatza eta olioa sartu, eta birringailuarekin emultsio bat egin.

Ibarrako piparrak frijituta

Piparrak olioa berotara sartu frijitzeko, paperean xukatu eta gatza ipini.

Pipar, tipulin eta intxaur ozpin-olioa

Piparrak, intxaurrak eta tipulin adarra txikituta ontzi batean elkartu, eta ozpin, gatz eta olioarekin ondu.

Bukaera

Plater batean barazki erreak jarriko ditugu eta gainean bakailao solomoa. Inguruan romesco saltsa pixka bat jarriko dugu, eta ozpin-olioa eta pipar frijituekin amaitu.