Prestaketa

Presa iberikoa:

Txerri presa ziapez igurtziko dugu, gatza eman, eta parrilan  gorrituko dugu. Bestetik, tipula zuritu eta juliana eran moztuta, zartaginean erregosiko dugu olioarekin.

Babarrun zuri entsalada:

Adar tomateak, tipulina, ozpin-pepinoak, tipulatxoak, kaparroiak, piper berdeak, eta arrautza egosia karratutxotan moztu eta babarrunekin elkartu. Perrexila txikituta bota, eta ondu olio eta ozpinarekin.

Perretxikoak:

Perretxikoei txortena kendu eta zartaginean olioarekin salteatu. Gatza bota ,eta erreserbatu.

Barrengorri aliolia:

Barrengorriak zatituta salteatu zartagin batean. Hortik ontzi batera pasatu, eta beste osagaiak elkartu. Birringailuarekin emultsionatu.

BUKAERA:

Plater batean tipula gorri erregosia eta perretxikoak luzeran jarri eta gainean presa iberikoa xerratan moztuta. Ondoan babarrun entsalada jarri, eta barrengorri alioli puntu batzuk jarri.