Prestaketa

Arkume bolak:

Ontzi batean, arkume haragi txikitua, piperrautsa, currya, baratxuri hautsa, aurretik esnetan bustitako moldeko ogi xerra eta arrautza bat nahastu. Bolak egin, irinetatik pasa, eta, zartagin batean, olio beroarekin gorritu.

Kuskusa barazkiekin:

Ontzi batean, kuskusa jarri, eta ur beroa, gatza eta olioa bota; kendu soberan dagoen ura, eta 5 minutuz estali.

Zartagin batean, olioa bota, eta barazkiak txikituta gehitu. Ondo erregosi, eta, ondoren, kuskusa gehituko dugu txitxirioekin batera, zartagina su bizian dagoen bitartean. Orduan, ziazerbak eta mahaspasak bota bertara, bueltak eman, eta sutatik atera.

Jogurt saltsa:

Ontzi batean, greziar jogurta, menda orriak txikituta, sagar bat laukitan moztuta, koilaradaka bat curry eta lima baten birrindura nahastu.

BUKAERA:

Plater batean, koilarakada bat kuskus jarri; gainean, hiru arkume bola, eta inguruan, jogurt saltsa.