Prestaketa

Makarroiak perretxiko eta foie-gras saltsarekin:

Kazola batean, makarroiak egosi.

Zartagin batean, tipulina zati txikitan gorritu. Bertara, perretxikoak gehitu, eta salteatu. Hirugiharra zati txikitan gehitu.

Kazola batean, gurina urtu, eta bertara foie eskalopinak gehitu; ondoren, irina gehitu, eta kozinatu. Esnea gehitu, eta utzi kozinatzen loditu arte. Bertara, foie-gras-a gehitu, eta dena ondo nahastu.

Labeko erretilu batean, eraztun bat jarri. Eraztunaren barruan, makarroiak tente jarri, foie-gras bexamela gainetik bota, eta gazta birrindua gehitu. Labean gainerre. Zartagin batean, arrautza frijitu olio berotan.

Cherry tomateak oliotan:

Kazola batean, cherry tomateak galdarraztatu, eta xukatu. Azala kendu. Zartagin batean, olioa berotu, eta bertara, cherry tomate zurituak gehitu erromero orri batzuekin. Utzi kozinatzen.

Gazta kurruskaria:

Gazta birrindua zartagin batean luzatu eta lehortzen utzi kurruskari geratu arte.

Errukula, intxaur eta tomate lehor txikitua:

Hiru osagaiak labanarekin txikitu, txorrotada bat olio gehitu, eta almaizean txikitu.

BUKAERA:

Plater batean, pasta duen eraztuna jarri; inguruan, perretxiko salteatuak eta gerezi tomate konfitatuak jarri, eta eraztuna kendu. Inguruan, errukula, intxaur eta tomate lehor txikitua jarri. Arrautza frijitua pastaren gainean jarri, eta gazta kurruskariarekin apaindu.