Prestaketa

Arrain salda

Kazola batean osagai guztiak sartu eta irakin bat eman. Iragazi.

Legatza koskera erara

Arrautza eta zainzuriak egosi.

Zartagin batean olioa bota eta baratxuria txikituta kozinatu. Bertara irina gehitu eta ondoren ardoa, murrizten utzi. Arrain salda gehitu perrexil txikituarekin. Legatz solomoak sartu eta utzi kozinatzen. Bertara ilarrak, zainzuriak eta arrautza zatituta gehitu. Eta amaitzeko: perrexil txikitua.

Txirlak saltsa berdean

Zartagin batean olioa bota eta baratxuria txikituta eta tipulina kozinatu. Bertara irina gehitu eta ondoren ardoa, murrizten utzi. Arrain salda gehitu perrexil txikituarekin. Txirlak gehitu eta irekitzen direnean, perrexil txikituarekin bukatu.

Kokotxak saltsa berdean

Zartagin batean olioa bota eta txikitutako baratxuria eta porrua kozinatu. Bertara irina gehitu eta, ondoren, ardoa, murrizten utzi. Arrain salda gehitu perrexil txikituarekin. Kokotxak gehitu eta, amaitzeko, perrexil txikitua.

BUKAERA:

Plater luze batean hiru prestaketak bata bestearen ondoan aurkeztuko ditugu.