Prestaketa

Pote galiziarra:

Bezperan babarrunak beratzen jarri.

Biharamunean, babarrunei ura aldatu eta lapiko batean egosten jarri belarriarekin, hankarekin, lakoiarekin, txorizoarekin, urdaiazpikoarekin eta urdai zatiarekin. Ordu bat geratzen denean, haragia atera eta bertara patatak eta arbi-gara txikituta gehitu.

Sakramentuak zatitu edo hezurrak kenduko dizkiegu eta zartagin batean olioarekin gorritu.

Jogurt opilak:

Baratxuri atalak txikitu.

Ontzi batean osagai guztiak elkartu eta eskuekin landu ore fina lortu arte. Bola txikietan banatu eta irinaren laguntzarekin zanpatu opiltxo batzuk egin arte. Zartagin batean olio pixka bat igurtzi eta bertan gorritu opiltxo horiek.

Lapikotik ateratako sakramentu erdiak txikitu, nahastu eta opiltxoak gainean jarri.

Ziape ozpin-olioa:

Ontzi batean osagai guztiak sartu martorria eta tipulin adarra izan ezik. Horiek txikitu egingo ditugu.

Birringailuarekin ondo emultsionatu eta bertara belar usaintsu txikituak sartu eta nahastu.

Ozpin olioa sakramentuen gainetik botako dugu.

Bukaera:

Plater sakon batean pote galiziarra jarriko dugu. Beste plater batean sakramentuak eta hirugarrenean opiltxoak sakramentuekin eta ozpin-olioarekin.