Iker Markinez sukaldaria, gaur arratsaldean, "Joseba Arguiñano Sukalerrian" saioan

Gaur, atseden hartuko du Joseba Arguiñanok, eta Ormaiztegiko Kuko jatetxeko Iker Markinez arduratuko da eguneko errezeta egiteaz. Barazki- panaxea Goierriko behi-gaztarekin prestatuko du Josebaren laguntzarekin. Barazkiak izango dira protagonista, eta Zornotzako Ibarra baserrian errefautxoak nola hazten dituzten erakutsiko digute.

"Joseba Arguiñano Sukalerrian" saioa astelehenetik ostiralera izaten da ikusgai, 13:15ean, ETB1en eta eitb.eus-en.