Yogurinha Borova izango da gaurko "Joseba Arguiñano Sukalerrian" saioan

Gaur eguerdian barreak eta algarak ez dira faltako Yogurinha Borovarekin. Aktorea, abeslaria, sortzailea... da, eta gaurko saioan, gainera, sukaldaria ere bai. Izan ere, untxi-beso beteak gisatuta prestatuko ditu Josebarekin.

Horrez gain, Laudio ere bisitatuko du programak, eta San Roke kofradiako kideek antolatzen duten anaitasun bazkarian parte hartuko dute, orain dela 400 urte baino gehiago egiten hasi zirena. Eta, eguneko protagonista untxia dugunez, bukatzeko, Emilio Irazolarenak ikustera joango gara. Emiliok Okondon ditu untxiak, itxura eta neurri guztietakoak.

Ez galdu "Joseba Arguiñano Sukalerrian", 13:15ean, ETB1en eta eitb.eus-en.