Prestaketa

1- Tipula xerra finetan moztu, eta lapiko zabal batean erregosten jarriko dugu oliba olioarekin. Bitartean, piper berdeak era berean moztu eta tipulari gehitu, eta jarraitu erregosten. Pikillo piperrak ere xerratan moztu, eta ozpinetako piperrak zati txikitan moztu: gehitu gainerako barazkiei lapikora. Barazkiak ia eginda daudenean, baratxuria txiki-txiki moztu, eta tomatearekin batera gehitu. Utzi dena poliki-poliki sutan, eginda egon arte.

2- Hegaluzea gatzez ondu, eta zartagin batean egingo dugu su bizian, bi aldeetatik barrua gorri uzteraino. Zerbitzatu piperrada gainean.