Prestaketa

Kiwia zuritu, eta dadotxotan moztu.

Ontzi sakon batean, kiwi dadotxoak, lima azalaren birrindura, jengibre birrinduraren zukua, 4 koilarakada oliba olio suabe eta perrins tanta batzuk batu ondoren, ongi nahasi. Segidan, hozkailuan, ordu erdiz mazeratzen utzi.

Zartagin batean, oliba olioa ongi berotu, eta baratxuria gorritzen jarri. Segidan, azkar batean, pipermina gehitu.

Baratxuria kolorez aldatzen hasten denean, txipiroi eraztunak gehitu, sua bizitu, eta minutu batez erregosi.

Segidan, sutatik atera, eta limaren zukua gehitu.

Katilu batean, barazki hostoak eta cherry tomateak zerbitzatu.

Gainetik, txipiroi aroak gehitu, mazeratutako kiwi zatiak erantsi, kakahuete birrinduak gainetik bota eta, bukatzeko, gatz ezkatekin ondu.