Gizartea -
Sutea Beasainen
Ama bat eta haren semea artatu dituzte Beasainen, kea arnasteagatik
08:15 inguruan piztu da sua Foru kaleko etxebizitza batean. Une horretan eraikinean zeuden 15 bizilagunak kanpora atera dituzte.
Erredakzioa
Osasun zerbitzuek emakume bat eta horren 10 urteko semea artatu dituzte Beasainen, kea arnasteagatik, horien etxebizitzan 08:15ean sua piztu eta gero. Segurtasun Sailak jakitera eman duenez, etxean piztuta zegoen kandela baten sugarrak jaka bat harrapatu du eta sua zabaldu da etxean.
Beasaingo Foru kaleko 27. eraikineko 3. solairuan piztu da sua. Ondorioz, une horretan eraikinaren barruan zeuden 15 bizilagunak kanpora atera dituzte.
Suhiltzaileak bertaratu dira eta 09:00etarako sua itzalita zuten.
