Kamioi batek guraizearena egin du Idiazabalen, eta auto-ilarak eragin

N-1 errepidea itxi behar izan dute goizaldeko 03:30ean, bi noranzkoetan, kamioi batek Idiazabalen (Gipuzkoa) guraizearena egin ondoren. Istripuaren ondorioz, bi kilometroko auto-ilarak izan dira, Segurtasun Sailak jakitera eman duenez.

Zirkulazioa Idiazabaldik txandaka bideratu du Ertzaintzak.

Goizeko lehen orduan, kamioiaren trakzio-burua kendu dute bertatik, garabiak erabiliz, eta lanean jarraitu dute kamioiaren atoia eta zama lehenbailehen kentzeko.

Gasteizko noranzkoan itxi dute, baina Donostiako noranzkoan errei bat ireki dute, Jaurlaritzaren arabera.