Lanbideren bulego bateko zaindariari eraso egin diote Bilbon

Txurdinagako Lanbideren bulegoko zaindariari eraso egin diote gaur, Bilbon. Antza denez, segurtasuneko langileak erasotzaileari errieta egin dio bulego izaten ari zen jarreragatik.

Segurtasun Saileko iturriek jakitera eman dutenez, gertakariak 11:00ak aldera jazo dira. Dirudienez, zaindariak ustezko erasotzaileari errieta egin dio, bulegoan istiluaren bat eragiten ari zelako.

Erasotzaileak ukabilkada eman dio segurtasuneko langileari. Zaindariak aurpegian kolpea du eta anbulantzian mutualitate batera eraman behar izan dute.

Ertzaintza bertaratu da, baina ordurako ustezko erasotzaileak Lanbideko bulegotik ihes egitea lortu du.

Elkarretaratzea

Erasoa gaitzesteko Lanbiden ordezkaritza duten sindikatuek elkarretaratzea deitu du ostegun honetarako Txurdinagako bulegoaren aurrean, UGTko iturriek jakitera eman dutenez.

Lanbideko langile bati eraso egiten dioten lehen aldia ez dela gogorarazi du sindikatuak. Horregatik, Lanbideko bulegoetan segurtasuna areagotzeko “premiazko” eta “beharrezko” neurriak hartzea eskatu dio UGTk Eusko Jaurlaritzari.

Era berean, ELA sindikatuak erasoa “irmo gaitzetsi” du agiri batean. “Gertakari mespretxagarriak” ez errepikatzeko neurriak hartzea eskatu dio ELAk Jaurlaritzari.