EITBk berriz ere eskainiko ditu Euskadiko Orkestraren kontzertuak, larunbat goizetan

Euskadiko Orkestrak eta EITBk orkestraren jarduera grabatu eta zabaltzeko duten konpromisoaren baitan, ETB2ko larunbat goizetako tartera itzuliko dira musika emanaldiak. Emisio-bloke berriak etenik gabe jarraituko du, datozen bi hilabeteetan, eta 23/24 denboraldiko kontzertu berrienak eskainiko ditu EITBk, aurreko denboraldiko beste batzuen berremanaldiarekin tartekatuta. Larunbatetan izango da, 11:00etan, ETB2n eta eitb.eus-en. Abenduaren 25ean (astelehena) ere, hitzordua izango da.

Honako hauek dira datozen asteetako kontzertuak ETB2n:

Azaroak 4: MAHLER 3 (23/24). Robert Treviño / Bilboko Koral Elkartea / Justina Gringyte
Azaroak 11: (Berremisioa) GURE PATUA (22/23). Dinis Sousa / Alena Baeva
Azaroak 18: (Berremisioa) ESNAERA (22/23). Robert Treviño / Alexandre Tharaud
Azaroak 25: (Berremisioa) ANTSIETATEA (22/23). Roderick Cox
Abenduak 2: BRAHMS / XOSTAKOVITX (23/24). Stanislav Kochanovsky / Sergey Khachatryan
Abenduak 9: (Berremisioa) PASIOA (22/23). Karel Mark Chichon / Anne Gastinel
Abenduak 16: (Berremisioa) GAINDITZEA (22/23). Robert Treviño / Yulianna Avdeeva
Abenduak 23: (Berremisioa) MAMUAK (22/23). Roberto Fores / Easo Gazte eta Easo Gaztelania
Abenduak 25 (astelehena): RAVEL / FALLA (23/24). Juanjo Mena / Clara Mouriz / Alfonso Gómez
Abenduak 30: (Berremisioa) BOLÉRO, Eskola Kontzertua (22/23)
Urtarrilak 6: COPLAND / MAHLER (23/24). Juraj Valcuha

Euskalduna Jauregian grabatu dituzte emanaldi guztiak, Eskola Kontzertuak izan ezik.

Telebistako emisio berriak egin ahala, Euskadiko Orkestraren YouTubeko kanalean eskura jartzen jarraituko dute. Egun, 100 bideo baino gehiago dituzte HDn.