Euskadi Irratia
Lehiaketa
Yhabril Mororen "X-Man" argazkiak irabazi du CVCePhoto lehiaketako Publikoaren Saria
EITB Media
CVCePhoto lehiaketako 20 argazki finalisten artean Yhabril Mororen mendi korrikalariaren argazkia izan da boto gehien jaso duena. Gainera, Arkaitz Otazuk irabazi du bereizmen handiko lossless musika erreproduzitzaile eramangarria.
-
Yhabril Mororen "X-Man" argazkia
CvCe Photo lehiaketako Publikoaren Saria Yhabril Moro argazkilariaren "X-Man" irudiarentzat izan da. EiTBk eman duen sariaren irabazleak jaso du Euskadi Irratiaren sare sozialetan boto gehien.
1.200 boto baino gehiago jaso dugu Instagram eta X sare sozialetan, eta Yhabril Mororen mendi korrikalariaren argazkia gailendu da, bigarrenari 200 boto baino gehiagoko aldea aterata.
9. edizioko sari banaketa urriaren 21ean egingo da Donostiako Aquariumen. Bertan, epaimahaiak aukeratutako 3 argazki irabazleen egileek euren aitortza jasoko dute. Eta laugarren saria EiTBk anatutako, Publikoaren Saria izango da.
Lehiaketa
Zozketa
Botoa eman duten guztien artean bereizmen handiko lossless FiiO M6 musika erreproduzitzaile eramangarri bat zozkatu dugu. Arkaitz Otazu @arkaitzotazu izan da irabazlea.
Bereizmen handiko lossless FiiO M6 musika erreproduzitzaile eramangarria
