Faktoria
Motoziklismoa
Xabi Zurutuza: "KTM taldearekin Munduko Txapelketan lehiatzea txikitako ametsa izan da"
Ainhoa Urretabizkaia | EITB Media
Xabi Zurutuza legazpiarra ume-umetatik dabil motoziklismoan, eta 2024 denboraldian egia bihurtuko du txikitatik zuen ametsa; Moto 3 kategorian eta motoziklismoan erreferente handia den Aki Ajoren taldean egingo du debuta Munduko Txapelketan.
-
Xabi Zurutuza
30:04 min
Xabi Zurutuzak 17 urte ditu, eta betitik dabil bi gurpilen gainean. Bere ibildea errepasatzeko tartea hartu dugu gaur, eta, besteak beste, jakin dugu 2 urterekin quad baten gainean ibiltzen zela, eta 6 urterekin bere lehen lasterketa irabazi zuela.
Ordutik, Espainiako Txapelketa hiru urtez jarraian irabazi du, iaz 18. amaitu zuen denboraldia junior kategorian eta aurten, bukatu berri den denboraldian, 2 garaipen eta pole bat lortu ditu; sailkapen orokorrean seigarren egin du. Gogotsu agertu da Zurutuza, bi aste barru joango baita Valentziara Aki Ajoren taldearekin entrenatzen hasteko.
Elkarrizketa honetan, Iñigo Iglesias moto gidariarekin ere hitz egin dugu; pasa den udan, Alemaniako txapeldun izan da, IDM txapelketan.
