Zallako txakolin esperimentalen bila, larunbatean, 'Landaberri'n

Zallako txakolin esperimentala izango dugu ardatz, larunbatean, Arantxa Arzak gidatzen duen 'Landaberri' saioan. Bizkaiko Foru Aldundiaren Zallako Frutikultura Zentroan iazko mahats uztatik lortu dituzten txakolin esperimentalak aurkeztu dituzte, eta emaitzen berri emango digu Bizkaiko Nekazaritza zuzendari Juan Ramon Muguruzak.

Gainera, Baztango nekazari esnegileen kezkak, Karrantzako esneki lantegi berria, glifosatoaren afera… Gai nagusi horiek aztertuko ditugu, eta asteroko solaskideak izango ditugu: Jakoba Errekondo eta Pello Zabala.