Ustekaberik ez Kontxako sailkatze-estropadetan

Kaikuk irabazi du Kontxako Banderaren sailkatze erlojupekoa. Ez da ustekaberik egon estropadan. San Miguel Ligako lehenengo seiak eta Urdaibai, goian estropada guztietan, baina denboraldia zenbaki negatiboetan hasi zuena, igandean Kontxan egongo diren traineruak dira.

Denboraldian zehar ondo ibili diren beste traineruek, Tiranek edo San Pedrok kasu, ez dute iganderako txartela lortu.

Hondarribia, Orio, Kaiku eta Urdaibai sailkatuko zirela kiniela guztietan zegoen. Kontxa irabazteko lehian ibiliko diren lau traineruak dira. Gainera, Cabok, Portugaletek eta San Juanek ere txartela eskuratu dute.

Itsaso barean eta eguraldi onarekin, laurek utzi dute argi besteak baino hobeto dabiltzala, ziabogan bertan. Kaikuk eta Urdaibaik alde nabarmena atera diete gainontzekoei.

Emakumezkoetan, gipuzkoarrak dira sailkatutako laurak: Hibaika, Zarautz, Orio eta San Juan.

 

Gizonezkoen sailkapena:

1. Kaiku 19:38:90
2. Urdaibai +1.24
3. Hondarribia +8.86
4. Orio +10.85
5. Cabo da Cruz +13.86
6. Portugalete +16.79
7. San Juan +17.48
8. Tiran +29.53
9. San Pedro +31.79
10. Astillero +32.31
11. Zierbena +33.24
12. Meira +34.85