Beste kirolak
Brontzezko domina Londresen
Maialen Chourraut piraguista, 2012ko Gipuzkoako kirolaririk onena
Erredakzioa
Lasarte-Oriako piraguistak Txema Olazabal gainditu du kazetarien bozketan. Chourrautek brontzezko domina eskuratu zuen Londreseko Olinpiar Jokoetan, K1eko finalean.
-
Maialen Chourraut. Argazkia: EFE
Maialen Chourraut Lasarte-Oriako piraguista 2012ko Gipuzkoako kirolaririk onena izendatu zuten ostegunean, Donostiako Amara Plaza hotelean egindako ekitaldian.
Kirol kazetarien bozketa estua izan da, baina piraguistak Txema Olazabal gainditu du.
Chourrautek brontzezko domina eskuratu zuen iragan udan, Londreseko Olinpiar Jokoetan, K1eko finalean.
Atletico San Sebastian taldeko arraunlariak 106,87 segundo behar izan zituen Lee Valley White Water Centren jaitsiera egiteko, irabazleak baino 98 ehunen gehiago.
