Beste kirolak
Igande honetan
Behobia-Donostia lasterketa, EITBn zuzenean ikusgai
AGENTZIAK | EITB MEDIA
EITBk zuzenean eskainiko du lasterketa igande honetan, 11:00etatik aurrera, ETB1en eta eitb.eus webgunean, streamingez.
-
Behobia-Donostiako artxiboko irudia. Argazkia: EFE
EITBk Behobia-Donostia lasterketa zuzenean ikusteko aukera eskainiko du igande honetan, azaroaren 12an, 11:00etatik aurrera, ETB1en eta eitb.eus-en.
Igande honetan, inoiz baino emakume gehiagok hartuko dute parte Behobia-Donostia lasterketan, 2016an ezarritako errekorra gaindituko baita. Orduan, 8.604 emakume abiatu ziren Behobiatik; aurtengo edizioan, berriz, 8.673 izango dira. Proba zuzenean ikusteko aukera eskainiko du EITBk, ETB1en eta eitb.eus-en, 11:00etatik aurrera.
Aurten ere, itxaron-zerrenda izan dute antolatzaileek, aurten ere 30.000 pertsonak baino gehiagok eman baitute bertan parte hartzeko izena. Hori dela eta, 34.000 korrikalari onartuko dituzte gehienez; orain dela zortzi urte ezarritako kopurua, hain zuzen ere.
Kirol-arloari erreparatuz gero, erakargarri ugari ditu aurten ere: edizio honetan, 28 korrikalari arituko dira erbilari lanetan, eta 13 animazio puntu egongo dira ibilbidearen 20 kilometroetan banatuta.
