Athletic Club
KLUBA UTZIKO DU
Blas Ziarretak ez du Athleticen jarraituko ekainetik aurrera
EITB MEDIA
Bi hamarkadatan zehar ardura postuak izan ditu Lezaman. Lehendik, bi denboraldiz zuzendu zuen Bilbao Athletic Bigarren Mailan.
-
Blas Ziarreta. Argazkia: Athletic Club
Blas Ziarretak ez du Athleticen jarraituko ekainaren 30etik aurrera, talde bizkaitarrak ostegun honetan jakinarazi duenez.
Ziarretak bi denboraldiz zuzendu zuen Bilbao Athletic Bigarren Mailan, 1991 eta 1993 bitartean.
Aurretik, Sestao River (hiru etapatan), Erandio eta Lemoa entrenatu zituen. Ondoren, Gasteizko Aurrera, Burgos, Gernika, Badajoz eta Eibar taldeetan aritu zen, eta talde armagina 174 partidetan zuzendu zuen futbol profesionalean.
2004an, Ziarretak entrenatzaile postua utzi zuen eta Lezaman sartu zen, Hitzartutako Kluben Arteko Harremanak koordinatzeko.
Lau urte geroago, lan horrekin batera, jokalariak erakarri eta fidelizatzeari ekin zion Athleticeko idazkari tekniko gisa.
