Futbola
Lugori irabazita
Rayo Vallecano Lehen Mailara igo da
eitb.eus
Madrileko taldeak 1-0 irabazi dio Lugori Bigarren Mailako azken-aurreko jardunaldiko partida eta Lehen Mailan jokatuko du datorren denboraldian.
-
Rayo Vallecanoko jokalariak, Lugori sartutako gola ospatzen. Argazkia: EFE
Rayo Vallecanok Lehen Mailara igotzea lortu du, igande honetan Vallecasen Lugori 1-0 irabazita, Bigarren Mailako azken-aurreko jardunaldiko partida. Ondorioz, maila gorenera bueltatu da Madrileko taldea.
Huescarekin batera matematikoki igoera lortu duen taldea da Rayo eta beste taldeek playoffa jokatu beharko dute igoera lortzeko. Iragan jardunaldian matematikoki igoera lortzeko aukera galdu zuen Rayok, baina igande honetan ez du huts egin.
Alex Morenok sartu du Lugoren aurka jokatutako partidako gol bakarra, eta gol horri esker Lehen Mailara itzuli da Rayo Vallecano.
Fitxa teknikoa:
1 - Rayo Vallecano: Alberto; Baiano, Chechu Dorado, Abdoulaye, Alex Moreno; Embarba, Fran Beltrán, Unai López, Bebe (Gorka Elustondo, m.85); Trejo (Manucho, m.90); eta De Tomas (Armenteros, m.62).
0 - Lugo: Roberto Fernandez; Lemos, Carlos Pita, Jose Carlos, Kravets; Seoane, Sergio Gil; Campillo (Carmona, m.75), Iriome, Jaime (Fede Vico, m.70); eta Escriche (Cristian Herrera, m.62).
Gola: 1-0: M.40 Alex Moreno.
Epailea: Figueroa Vazquez. Txartel horiak atera dizkie Rayoko Unai Lopezi (m.41) eta Lugoko Jose Carlos (m.6), Sergio Gil (16), Roberto (37) eta Kravets (m.51) jokalariei.
