Futbola
Europa Liga
Sevilla, Monako, Shakhtar eta Salzburgo nagusitu dira Europa Ligako play-offeko joanekoetan
EITB MEDIA
Talde hauek menderatu dituzte, hurrenez hurren: PSV Eindhoven (3-0), Bayer Leverkusen (2-3), Rennes (2-1) eta Erroma (1-0). Bartzelona-Manchester United, Ajax-Union Berlin, Sporting Portugal-Midtjylland eta Juventus-Nantes partidetan, ordea, berdinketa izan da.
-
Sevillak 3-0 irabazi du PSV Eindhoven taldearen aurka, emaitza oso ona lortuta. Argazkia: EFE.
Sevillak, Monakok, Shakhtarrek eta Salzburgok garaipena lortu dute, ostegun gauean, Europa Ligako play-offeko joaneko partidetan, hurrenez hurren, PSV Eindhoven (3-0), Bayer Leverkusen (2-3), Rennes (2-1) eta Erroma (1-0) menderatuta. Gainerako kanporaketak, hau da, Bartzelona-Manchester United, Ajax-Union Berlin, Sporting Portugal-Midtjylland eta Juventus-Nantes, parekatuta daude, Camp Noun, Amsterdamen, Lisboan eta Turinen izandako berdinketak tarteko.
Reala Europa Ligako final-zortzirenetarako sailkatuta dago, zuzenean, eta ostegunean hasi diren zortzi kanporaketen irabazleetako bat izango du aurkari, Bartzelona eta Sevilla, kenduta, Liga bereko taldeak baitira. Itzuliko partidak astebete barru jokatuko dituzte.
Europa Ligako play-offeko joaneko partidetako emaitzak
Shakhtar, 2 – Rennes, 1
Ajax, 0 – Union Berlin, 0
Bartzelona, 2 – Manchester United, 2
Salzburgo, 1 – Erroma, 0
Sporting Portugal, 1 - Midtjylland, 1
Juventus, 1 - Nantes, 1
Bayer Leverkusen, 2 - Monako, 3
Sevilla, 3 - PSV Eindhoven, 0
