Reala
Sevillaren aurka
Agirretxe: 'Gauzak ondo egiten baditugu, golak iritsiko dira'
Erredakzioa
Sevilla "oso ondo" dagoela azpimarratu du aurrelari txuri-urdinak eta talde indartsutzat jo du.
-
Imanol Agirretxe (ezkerra). Argazkia: EFE
Realak Sevillarekin neurtuko ditu indarrak asteazken honetan Sanchez Pizjuanen, BBVA Ligako 5. jardunaldian. Imanol Agirretxe neurketari buruz mintzatu du hedabideen aurrean.
"Frustrazioa dago (Almeriaren aurka galdu zuten igandean, 1-2), baina txip aldaketa erabatekoa izan behar da eta Sevillan jarri behar dugu orain arreta osoa. Honek ez du etenik eta denboraldian zehar mota honetako uneak egongo dira, baina lanean jarraitu behar dugu eta taldeak gauzak ondo egiten baditu, golak iritsiko dira", esan du.
Sevilla "oso ondo" dagoela azpimarratu du eta talde indartsutzat jo du. "Punturen bat lortzeko, partida serioa jokatu beharko dugu, baina taldea hori lortzeko gai ikusten dut", gaineratu du Realeko jokalariak.
