Reala
Osasun partea
Januzajek ez du lesio larririk eta prest egongo da oporretatik bueltan
Erredakzioa
Realeko jokalariak min hartu zuen Sevillaren aurka jokatutako 2017ko azken partidan. "Eskuin izterreko iskiosural giharretan elongazio bat antzematen da, zuntz-hausturarik gabe", jakinarazi du Realak.
-
Adnan Januzaj, Girona-Reala partidan. Argazkia: EFE
Adnan Januzajek ez du lesio larririk, Realeko zerbitzu medikoek jakinarazi dutenez. "Eskuin izterreko iskiosural giharretan elongazio bat antzematen da, zuntz-hausturarik gabe", adierazi du Realak ostiral honetan argitaratu duen osasun-partean.
Jokalariak min hartu zuen asteazkenean Sevillaren aurka jokatutako partidan, baina albiste ona da ez duela hausturarik. Ondorioz, Eusebio Sacristan entrenatzaileak prest izango du oporretatik bueltan.
