Lau t'erdikoa
3. jardunaldia
Irujo, baikor; Retegi Bi, mesfidati
Agentziak | Erredakzioa
Juan Martinez de Irujok eta Julen Retegik larunbateko partidarako pilotak aukeratu dituzte, Labriten. Lau T'erdiko Txapelketako finalerdietara egoteko borrokan finala izango dute biek.
Martinez de Irujok eta Retgi Bik final-laurdenetako hirugarren jardunaldian erabiliko duten materiala hautatu dute. Partida erabakigarria dute Lau T'erdiko Txapelketako finalerdietara igarotzeko. Lehenengoa "baikor" dago, eta bigarrenak ez da Iberokoaz fio.
"Modalitate honetan ez nago eroso, baina badakit larunbatean ondo jokatzen badut Juleni irabazteko gai naizela. Baikor nago", esan du Irujok. Iberokoa askotan egon da dena "partida bakarrean" jokatu beharrean.
Irujoren ustez, Retegi "distantzia honetan oso ondo jokatzen duen pilotaria da, eta ez nire jokoan kontzentratuta ez banado, ezin izango dut ezer egin".
Retegi Birentzat, larunbatekoa "final" bat da, oso "zaila" den neurketa, egungo txapeldunaren aurkaeta gainera mesfidati agertu da: "Niri, lehenengo partida galtzen hastearena edo momentu onenean ez dagoela, ez dut sinesten. Iaz berdin hasi zen eta txapela irabazi zuen".
Nafarrak uste du ezin diola Irujori nagusi izaten utzi, bestela, galduta egongo delako. "Estrategia une oro leku batetik bestera korrika izatea da, baina ikusiko dugu nola hasten dugun neurketa", gehitu du.
Bestalde, Urrutikoetxeak eta Xalak ere hautatu dute ostiraleko partidarako materiala, Elizondoko Baztanen.
ndoko Baztanen.