Euskal Herriko Itzulia 2024
Euskaltel-Euskadi
Euskaltel-Euskadik hamabi txirrindulariko zerrenda iragarri du, eta Itzulirako zazpikotea hortik aterako du
EITB MEDIA
Honako hauek dira hamabi ziklista horiek: Jon Aberasturi, Enekoitz Azparren, Xabier Berasategi, Mikel Bizkarra, Victor de la Parte, Asier Etxeberria, James Fouche, Xabier Isasa, Mikel Iturria, Txomin Juaristi, Gotzon Martin eta Iker Mintegi. Jorge Azanza kirol zuzendariak zazpi hautatuko ditu.
Albisteak (8)
- 2024ko Euskal Herriko Itzulia aurkeztu dute
- 2024ko Euskal Herriko Itzuliko parte-hartzaileen eta dortsalen behin-behineko zerrenda
- 2024ko Euskal Herriko Itzuliko 1. etaparen profila, ibilbidea eta ordutegia: Irun-Irun (10 km, erlojupekoa)
- 2024ko Euskal Herriko Itzuliko 2. etaparen profila, ibilbidea eta ordutegia: Irun-Kanbo (160 km)
- 2024ko Euskal Herriko Itzuliko 3. etaparen profila, ibilbidea eta ordutegia: Ezpeleta-Altsasu (190,9 km)
- 2024ko Euskal Herriko Itzuliko 4. etaparen profila, ibilbidea eta ordutegia: Etxarri Aranatz-Legutio (159 km)
Euskaltel-Euskadik hamabi txirrindulariko zerrenda iragarri du, asteartean, eta 2024ko Euskal Herriko Itzulirako zazpikotea zerrenda horretatik hautatuko du, "astean zehar", Jorge Azanza kirol zuzendariak. Honako hauek dira hamabi ziklista horiek: Jon Aberasturi, Enekoitz Azparren, Xabier Berasategi, Mikel Bizkarra, Victor de la Parte, Asier Etxeberria, James Fouche, Xabier Isasa, Mikel Iturria, Txomin Juaristi, Gotzon Martin eta Iker Mintegi. Itzulia astelehenean hasiko da, apirilaren 1ean, Irunen, eta apirilaren 6an amaitu.
Euskal taldeak Guggenheim Bilbao Museoan egindako ekitaldi batean baieztatu du hori. Ekitaldi horretan, halaber, aurkeztu egin dute "marea laranjaren" elastiko berria; Itzulian banatuko dute kamiseta hori.
Euskaltel-Euskadiko arduradunek nabarmendu dutenez, orain arte deitutako hamabi txirrindulariak nortzuk diren kontuan izanik, horietako hamaika "euskal harrobian" hazi dira, alegia, denak, James Fouche izan ezik; hori gutxi balitz bezala, hamar, hau da, Fouche zeelandaberritarra eta De la Parte izan ezik, gainerako guztiak, talde laranjan hasi dira profesional mailan lehiatzen: "Horrek zalantzarik gabeko balioa du. Euskaltel-Euskadi 2028an berpiztu zenetik, 24 txirrindularik egin dute debuta, gure taldean, profesionaletan. Horren ondorioz, nazioarte mailan, gorenean gaude, eta erreferentzia historikoa gara, 1994tik", nabarmendu dute.
Ekitaldian, horrez gain, aurreratu dute udazkenean estreinatuko dutela "marea laranjaren gaineko dokumental bat". Ondorengo hilabeteotan, Euskaltelek eta EITBk elkarrekin lan egingo dute, hori egiteko.
