Italiako Giroa 2024
23 talde
Katusha taldearen parte-hartzea baieztatu du antolakuntzak
Erredakzioa
Urtarrilaren 8an Giroak eskainitako zerrendan sartuta zegoen Katusha, baina UCIk ProTour lizentzia kendu zion talde errusiarrari, eta proba "handietatik" at geratu zen.
-
Katushako Joaquim Rodriguezen artxiboko irudia. Argazkia: EFE
Katusha taldeak aurtengo Italiako Giroan parte hartuko duela baieztatu du probako antolakuntzak. Guztira, 23 talde arituko dira maiatzaren 4an, Napolin, hasiko den lasterketan.
Urtarrilaren 8an Giroak eskainitako zerrendan sartuta zegoen Katusha, baina UCIk ProTour lizentzia kendu zion talde errusiarrari, eta proba "handietatik" at geratu zen.
Taldeak erabakiaren aurkako helegitea aurkeztu zuen TASen eta, azken honek arrazoia eman eta gero, baimena itzuli zion UCIk otsailean.
Taldeak honakoak dira: AG2R (FRA), Androni Giocattoli (VEN), Astana (KAZ), Bardiani Valvole-CSF Inox (ITA), Blanco (HOL), BMC (USA), Cannondale (ITA), Colombia (COL), Euskaltel-Euskadi (EUS), FDJ (FRA), Garmin-Sharp (USA), Katusha (RUS), Lampre-Merida (ITA), Lotto Belisol (BEL), Movistar Team (ESP), Omega Pharma-Quick Step (BEL), Orica - GreenEdge (AUS), RadioShack Leopard (LUX), Sky (GBR), Team Argos-Shimano (HOL), Saxo-Tinkoff (DIN), Vacansoleil (HOL) eta Vini Fantini-Selle Italia (ITA).
