Txirrindularitza
2023ko Suitzako Itzulia
2023ko Suitzako Itzulia: etapetako profilak, ibilbidea eta parte-hartzaileak
Suitzako Itzulia ekainaren 11n hasiko da, eta 18an amaitu. Remco Evenepoel da faborito nagusia garaipena lortzeko; Jon eta Gorka Izagirre, Pello Bilbao, Alex Aranburu, Oier Lazkano, Jonathan Lastra eta Victor de la Parte ere izango dira lasterketan. EITBk zuzenean emango du.
-
Irudia: Suitzako Itzulia.
2023ko Suitzako Itzulia igandean hasiko da, ekainaren 11n, eta, zortzi etapa jokatuta, hilaren 18an amaitu. Nazioarteko egutegian, astebeteko probei erreparatuta, garrantzitsuenekoa da; gainera, Frantziako Tourraren hasieratik oso gertu dago, eta horrek interes handiagoa ere ematen dio, txirrindularientzat zein zaleentzat. Maila handiko hainbat ziklistak parte hartuko dute; besteak beste, Soudal Quick-Step taldeko Remco Evenepoel belgikarrak. Zenbait euskal txirrindulari ere izango dira lehian, eta eitb.eus-ek eta ETB1ek zuzenean ikusteko aukera emango dute.
Lehen postuan zebilela, eta covid-19agatik, 2023ko Italiako Giroa utzita, Remco Evenepoel lehiara bueltatuko da. Suitzako Itzulia irabazteko hautagai nagusia da, baina ez bakarra; Wout van Aert Jumbo-Vismako belgikarra, INEOSeko Tom Pidcock britainiarra eta DSM taldeko Romain Bardet frantziarra ere badaud zerrenda horretan.
Arestian esan bezala, euskal txirrindularitzak ordezkaritza handia izango du lasterketan; izan ere, hauek irtengo dira proban: Pello Bilbao (Bahrain-Victorious), Jon Izagirre eta Jonathan Lastra (Cofidis), Alex Aranburu, Oier Lazkano eta Gorka Izagirre (Movistar) eta Victor de la Parte (TotalEnergies).
2023KO SUITZAKO ITZULIAREN ETAPAK
1. etapa: Einsiedeln-Einsiedeln (12,7 kilometro), ekainak 11, igandea
Irudia: Suitzako Itzulia.
2. etapa: Beromunster-Nottwil (173,7 kilometro), ekainak 12, astelehena
Irudia: Suitzako Itzulia.
3. etapa: Tafers-Villars-sur-Ollon (143,8 kilometro), ekainak 13, asteartea
Irudia: Suitzako Itzulia.
4. etapa: Monthey-Leukerbad (152,5 kilometro), ekainak 14, asteazkena
Irudia: Suitzako Itzulia.
5. etapa: Fiesch-La Punt (211 kilometro), ekainak 15, osteguna
Irudia: Suitzako Itzulia.
6. etapa: La Punt-Oberwil-Lieli (215,3 kilometro), ekainak 16, ostirala
Irudia: Suitzako Itzulia.
7. etapa: Tubach-Weinfelden (183,5 kilometro), ekainak 17, larunbata
Irudia: Suitzako Itzulia.
8. etapa: St. Gallen-Abtwil (25,7 kilometro), ekainak 18, igandea
Irudia: Suitzako Itzulia.
