Frantziako Tourra 2023
1. etapa
Rohan Dennis da lehen liderra; eta Jonathan Castroviejo, seigarren
Agentziak | Erredakzioa
Australiarra 15 minutu baino gutxiago egin duen txirrindulari bakarra izan da (14:56). Tony Martin bigarren izan da, eta Fabian Cancellara hirugarren.
Albisteak (3)
Informazio gehiago (1)
Rohan Dennis (BMC) txirrindulari australiarrak ezustekoa eman eta Frantziako Tourreko lehen etapa irabazi du, 13,8 kilometrokoa. Ondorioz, sailkapen nagusiko lehen postuan jarri da.
Tourreko historiako batez besteko abiadurarik altuena eginda lortu du garaipena australiarrak: 55,446 km/h.
Dennis izan da 15 minutu baino gutxiago behar izan dituen txirrindulari bakarra (14:56ko egin du), eta Tony Martin eta Fabian Cancellara erlojupekoetan maisu diren txirrindulariak ere gainditu ditu. Martin bigarren izan da bost segundora, eta Cancellara hirugarren, sei segundora.
Alberto Contador espainiarrak, berriz, 46. egin du, 15:54ko denborarekin, irabazleak baino minutu bat gehiago erabilita. Alejandro Valverdek madrildarrak baino bi segundo gutxiago egin ditu. Jonathan Castroviejo izan da euskaldunik onena, seigarren izan da, Dennisengandik 23 segundora.
