Frantziako Tourra 2023
18. etapa
Bardet frantziarrak jardunaldi gogorra biribildu du
AGENTZIAK | ERREDAKZIOA
AG2R taldeko txirrindularia izan da hasieran sortutako ihesaldiko indartsuena. Haren atzetik Rolland eta Anacona sailkatu dira eta Froomek lidergoan jarraitzen du.
Romain Bardetek (AG2R) eskuratu du Frantziako Tourraren 18. etapa (186,5 kilometro Gap eta de Saint-Jean-de-Maurienne artean). Chris Froomek, bestalde, lidergoari eutsi dio.
Frantziarra izan da hasierako kilometroetan sortutako ihesaldiko indartsuena eta amaiera biribila eman dio jardunaldi gogorrari. Glandon jaitsieran erasora jo du eta bakarrik helmugaratu da. Rolland eta Anacona bigarren eta hirugarren sailkatu dira, hurrenez hurren.
Alberto Contadorrek behin eta berriro jo du erasora, baina ezin izan du garaipena lortu.
Ostiral honetan Alpeetako hirugarren etapa jokatuko da. Jardunaldiak 138 kilometro izango ditu Saint-Jean-de-Maurienne eta Toussuire- es Sybelles artean. Txirrindulariek maila bereziko Croix de Fer igo beharko dute eta helmuga lehen mailako mendate batean kokatuta dago.
