Frantziako Tourra 2023
2. etapa
Liane Lipper alemaniarrak irabazi du Frantziako Tourreko bigarren etapa
Agentziak | EITB MEDIA
Alemaniako txapeldunak Lotte Kopecky liderra (SD Worx) eta Silvia Persico italiarra (UAE Team ADQ) gainditu ditu esprint estu batean. Ane Santesteban hamabigarren helmugaratu da.
-
Liane Lippert, 2. etapako irabazlea. Argazkia: © A.S.O. / Charly Lopez
Liane Lippert alemaniarrak (Movistar Team) irabazi du astelehen honetan jokatutako Tour de France Femmes avec Zwift 2023 lasterketaren bigarren etapa. Guztira, 152 kilometro egin dituzte ibilbide gorabeheratsuan, Clermont-Ferranden hasi eta Mauriacen amaituta. Lippert esprintean gailendu da.
Alemaniako txapeldunak amaiera estu batean erdietsi du garaipena, Lotte Kopecky (SD Worx) sailkapeneko liderrari eta Silvia Persico italiarrari (UAE Team ADQ) irabazita. Azken kilometroetan euria izan da protagonista eta hainbat eroriko izan dira 3. mailako Côte de Trébiakera igoeran.
Eguneko ihesaldia Anouska Koster (Uno-X), Eva van Agt (Jumbo-Visma) eta Yara Kastelijn (Fenix-Deceuninck) herbeheretarrek osatu dute. Hirukoteak aldea zabaldu du baina talde nagusiak azken kilometroetan harrapatu ditu.
Azken igoeran, Katarzyna Niewiadoma (Canyon-Sram Racing) poloniarrak erasoa jo du eta garaipena aurrera egin dutenen artean jokatu da. Azkenean, Movistar taldeko txirrindularia izan da lehena helmugaratzen Tourreko bere lehen garaipena lortzeko.
¿ A german win in Mauriac after a torrential rain made the final tricky. Relive the final KM ¿¿
— Le Tour de France Femmes avec Zwift (@LeTourFemmes) July 24, 2023
¿ Une victoire allemande à Mauriac après une pluie torrentielle qui a rendu le final piégeux. Revivez le dernier kilomètre ¿¿#TDFF2023 #WatchTheFemmes @Gozwift pic.twitter.com/8nCuGzRLQb
Astearte honetan, 3. etapa jokatuko dute Collonges-La-Rouge eta Montignac-Lascaux artean 148 kilometroko ibilbidea eginda. Tartean, laugarren mailako lau mendate eta hirugarren mailako bat igoko dituzte, eta ondoren ibilbide laua izango dute helmugara arte.
Etapako sailkapena
1 - LIPPERT Liane (Movistar) 4:13:43
2 - KOPECKY Lotte (SD Worx) d. b.
3 - PERSICO Silvia (UAE) d. b.
4 - MOOLMAN Ashleigh (AG Insurance) d. b.
5 - SCHWEINBERGER Christina (Fenix) d. b.
6 - LUDWIG Cecilie Uttrup (FDJ) d. b.
7 - VOLLERING Demi (SD Worx) d. b.
8 - NIEWIADOMA Katarzyna (Canyon) d. b.
9 - VAN VLEUTEN Annemiek (Movistar) d. b.
10 - DRONOVA-BALABOLINA Tamara (Israel) d. b.
11 - LONGO BORGHINI Elisa (Lidl) d. b.
12 - SANTESTEBAN Ane (Jayco) +0:04
Sailkapen nagusia
1 - KOPECKY Lotte (SD Worx) 7:17:36
2 - LIPPERT Liane (Movistar) +0:49
3 - MOOLMAN Ashleigh (AG Insurance) +0:59
4 - VOLLERING Demi (SD Worx) d. b.
5 - LUDWIG Cecilie Uttrup (FDJ) d. b.
6 - DRONOVA-BALABOLINA Tamara (Israel) d. b.
7 - LONGO BORGHINI Elisa (Lidl) d. b.
8 - VAN VLEUTEN Annemiek (Movistar) d. b.
9 - NIEWIADOMA Katarzyna (Canyon) d. b.
10 - SANTESTEBAN Ane (Jayco) +1:03
