Musika
Big Festival
Neil Young Biarritzen ikusteko sarrerak, salgai
Big Festivalen Neil Young ikusteko sarrera 55,50 eurorengatik eskuratu daiteke. Jaialdi osorako bonua, 84,60 eurorengatik.
Albisteak (1)
Bideoak (1)
Neil Young & Crazy Horse uztailaren 18an izango dira Biarritzen, Big Festival jaialdian, eta sarrerak salgai dira. Ticketmaster sarean eskuratu daitezke: eguneko sarrerak 55,50 euroren truke eta jaialdi osorako bonua 84,60 euroren truke. Neil Young & Crazy Horse da momentuz Big Festival jaialdirako konfirmatu duten kartelburu bakarra.
Folk konposatzaile, abeslari eta gitarrajotzailea ez da Espainian izan 2009tik eta Big Festivalen izango da Frantziako biran geldialdi bat eginez (bost kontzertu eskainiko ditu Frantzian), bere disko berriaren kaleratzea dela eta.
Melodia ikaragarriak egin ditu Neil Youngek bere ibilbide osoan eta Crosby, Stills, Nash & Young, Buffalo Springfield, Pearl Jam eta Booker T taldeetako partaide izan zen. Gainera, hainbat musikarirekin kolaborazioak egin ditu eta hainbat lan kaleratu ditu bere izenean. Arrakastaz beteriko ibilbidea du musikari beteranoak eta bere belaunaldiko musikari garrantzitsuenetarikoa da.
