Publizitatea
X

Irratia zuzenean

Euskara hobeto ezagutzeko saioa Kike Amonarrizen eskutik, azteazkenero

telebista

Estreinaldia

Zenbat euskal hiztun gara munduan? Lehen 'Tribuaren Berbak' saioan

EITB

2013/11/14

Kike Amonarrizek gidatuko duen saioa asteazkenean estreinatuko dute, 22:15ean, ETB1en. Euskararen tamaina zein den jakingo dugu, hainbat galderari erantzunez.

1:12
  • Partekatu
  • Bidali

Iruzkinak

Kike Amonarriz bueltan dugu ETB1en. 'Tribuaren Berbak' saioa estreinatuko du asteazkenean, 22:15ean, eta, bertan, euskara hobeto ezagutzen ahaleginduko gara, astero, gure hizkuntzari buruzko hainbat galderari erantzunez.

Euskararen tamainari buruz arituko da saioa estreinaldiaren egunean. Horretarako, datu interesgarriak aurkeztuko dizkigute, zenbait galdera planteatuta. Bi galdera aurreratuko ditugu atariko gisa:

- Euskarak zenbatgarren lekua betetzen du munduko 7.000 hizkuntzen artean, hiztun kopuruaren arabera?

- Zenbat euskal hiztun daude munduan?

Horrelako galdera ugari aurkeztuko digu 'Tribuaren Berbak' saioak, eta guztien erantzuna bilatuko dute bertan. Buruari eraginaraziko digu saioak, modu atsegin eta eramangarrian. Kale inkestak egingo dituzte, hainbat aditu elkarrizketatuko dute, astero hiru korrespontsal arituko dira solasean, eta datuak eta ikerketen emaitzak era berezian eta ikusgarrian aurkezten ahaleginduko dira.

Orio ekoiztetxeak eta ETBk elkarrekin egindako saioak Eusko Jaurlaritzako Hizkuntza Politikarako sailburuordetzaren eta Laboral Kutxaren babesa izan du. Euskararen gaineko interesa piztu nahi du, jorratuko diren gaiekin ikusleak harritu, entretenitu eta informatu, eta jendeak izan ohi dituen kezka eta galderei erantzun, beti ere, modu atseginean. Barne produkzioko apustua da 'Tribuaren Berbak', eta asteazkeneko ordutegi nagusia sendotzera dator.

Zein da euskararen tamaina munduko hizkuntzen artean? Horri erantzuten saiatuko da lehen saioa. Eta horretarako, adituen iritziak eta arituen esperientziak entzungo ditugu. HUHEZIko irakasle eta Garabideko kide den Jon Sarasuarekin izango dira, baita euskarak egin duen bidea aztertzen ari diren ordezkari kitxua, nasa eta kurduekin ere. Carlos Cid madrildarra ezagutuko dute, euskara ikasi eta Madrilen euskaraz bizi den irakaslea. Munduko Hizkuntza Ondarearen UNESCO Katedraren koordinatzailea den Itziar Mendizabal ere izango da saioan.

Astero, Lekeitioko Aitor Abaroa, Ezpeizeko Argitxu Camus eta Gasteizko Ane Pedruzo berriemaile bereziek euren inguruaren berri emango dute. Eta kaleko jendeak ere izango du bere txokoa saioan, euren iritzi eta erantzunekin, eta euskalki eta euskara hitz egiteko era ezberdinekin.

Asteazkenetik aurrera, asteroko hitzordua izango du euskaltzale orok ETB1en: 22:15ean, 'Tribuaren Berbak' saioan, Kike Amonarrizek gidatuta.

Iruzkinak

Publizitatea
Publizitatea
Bago!az Abeslari eta aktore onenaren bila Bago!az
Gure Kasa Gazteen intereseko gaiak Gure Kasa
Ur Handitan Gizarteko gaien erreportaje sakonak Ur Handitan
Publizitatea
Prentsa Aretoa Prentsa oharrak, deialdiak, agenda, fototeka,… Prentsa Aretoa
Publizitatea
Publizitatea

Bisitatuena

    Kargatzen ikusiena
        Kargatzen ikusiena