Euskal Herriko Itzuliko 2. etapa, gaur arratsaldean, zuzenean

Bizkaian hasi eta Araban amaituko den Euskal Herriko Itzuliko 2. etapa ETB1en eta eitb.eus-en zuzenean jarraitzeko aukera izango da gaur arratsaldean.

Markina-Xemeinetik Amurriora bitarteko ibilbidean gertatzen denaren berri emango dute 15:00etatik aurrera Fermin Aramendik, Xabier Usabiagak eta Alfontso Arroiok.

174,2 kilometro izango ditu etapak eta Garrastatxuko ermita ondoan izango du helmuga, Baranbio auzoan. Lau kilometroko aldapa latza igo beharko dute txirrindulariek bertara iristeko.