Gontzalen mutil berria da. Mutil alaia, irekia eta konplexurik gabea. Oso irekia da eta ez du lagunak egiteko arazorik. Denen arreta bereganatzea gustatzen zaio eta bost axola zaio jendeak berari buruz zer esan edo zer pentsatu. Pasio osoz bizi du guztia.

Hasiera batean, ematen du Gontzal eta biak oso antzekoak direla, baita janzkeran ere. Baina elkarbizitzak guztiz alderantzizkoa erakutsiko du.

Unai Arrieta

Urtziren pertsonaia antzeztuko du 26 urteko donostiarrak. Betidanik gustatu zaio antzerkigintza, baina urte asko igaro ditu kirol munduan, gimnasioa erritmikoan, hain justu.